مودی کے پارلیمانی دفتر پر بی جے پی کارکنوں کی خاموش ریلی

اسمبلی انتخابات کے لئے بھارتیہ جنتا پارٹی (بی جے پی) کےغیر مطمئن کارکنوں نے اپنا احتجاج تیز کرتے ہوئے وارانسی کے رويندرپوري واقع وزیر اعظم نریندر مودی کے پارلیمانی دفتر پر آج خاموش ریلی کرکے کینٹ کے علاقے سے امیدوار تبدیل کرنے کی اپیل کی ہے ۔غیر مطمئن پارٹی کارکنان بی جے پی کی جانب سے اعلان کئے گئے امیدوار سوربھ شریواستو کی جگہ کسی دوسرے امیدوار کا



مطالبہ کر رہے ہیں۔پارلیمانی دفتر پر مظاہرہ کرنے والے کارکنان منہ پر سیاہ پٹی باندھ کر ہاتھوں میں تختیاں لئے ہوئے تھے، جن پر "وزیر اعظم نریندر مودی زندہ باد، بھارتیہ جنتا پارٹی زندہ باد" کے ساتھ ساتھ "امیدوارہم کو یہ تسلیم نہیں، اس کو عام لوگوں سے محبت نہیں" "اپنوں کا احترام نہیں، راہیں پھر آسان نہیں، امیدوار تبدیل کرو، امیدوار تبدیل کرو "جیسے نعرے لکھے ہوئے تھے۔